کرزی مخالف لریدن تینچلیک جریانیده قوشیلیش لری نی طلب قیلدی

حبیب الرحمن قویاش

بی بی سی

کرزی جنابلری هر مناسبتده مخالف گروه لردن تینچلیک جریانیده قوشیلیش لرینی طلب قیله دی.

افغانستان جمهور رییسی ، حامد کرزی ، اینه بیرمرته دولتده قرشی تورگن قوراللی کیشی لردن صلح جریانیده قتنه شیش لری نی ایسته دی.

کرزی جناب لری قربان بیره می نمازی نینگ اوقیگنیدن کیین ، سوزگه چیقیب ، قربان بیره می نی دنیا مسلمان لریگه تبریک له دی.

عین حالده ، کرزی جنابلری ، مخالف گروه لردن ، تینچلیک جریانیده قوشیلیش لری بیلن ، مملکت نینگ تینچ فضا سیده حیات کیچیریش لرینی طلب قیلدی.

کرزی جنابلری ، سوزلری جریانیده ، اوتگن ییل لر ده بولگن اوریش لر نتیجه سیده ، افغان لر کوپ گینه ، قربانی بیرگنینی ایتیب ، بوندن کیین آنه لر نینگ اولاد سیز و خاتین لر نینگ عایله سیز بولمه یش لری نی ایتدی.

جمهور رییس کرزی ایتدی: “هییت بیره می نینگ مناسبتی بیلن اینه بیر مرته بوتون ناراض ایناغه لریمیز و وطنداشلریمیز دن ، هر دلیل که بار اولکه لری و خلق نینگ قرشی سیده قورال کوتارگن لر خواهش ایته من ، خلق نینگ صلح اوچون قیلگن سعی و حرکت لریده لبیک ایتیب ، تینچلی ملی کینگاشی نینگ طریقیدن ، صلح جریانیده مراجعت قیلیب قتنه شسه لر. تا اولکه میز بوندن کیین باشقه ، رنج ، درد و غذاب گه حیات کیچیریش لری کیره ک ایمس.

بوندن آلدین هم جمهور رییس کرزی ، ایریم مناسبت لرده ، دولت نینگ مخالف گروه لریدن صلح جریانیده قتنه شیش لری نی طلب قیلیب کیلگن.

اما کرزی نینگ اوشبو سوز لری هر دایم ، طالبان تمانیدن رد ایتیلگن.

طالب لر گروهی نینگ رهبری ملا عمر ، ینگی سوزلریده ، تینچلیک اوچون هر قنده ی مذاکره قیلیش خصوصیده قرشیلیک بیلدیرگن.

طالبان گروهی نینگ باشلیغ لریگه کوره ، بوتون خارجی لر افغانستان دن چیقیب کیتمه سه لر بو گروه ، دولت بیلن هیچ قندهی مذاکره قیلمه یدی.

طالب لر رهبری بوتون خارجی لر افغانستاندن چیقیب کیتمسه لر افغانستان حکومتی بیلن مذاکره قیلمه یمیز دیب ایتگن.

شونده ی بیر حالتده ، کرزی جنابلری ، تینچلیک ملی کینگاشی نینگ دولت مخالف گروه لری بیلن مذاکره قیلیش مقصدیده توزه تگن .

هرچند ، افغانستان حکومتی ، طالبان بیر قنچه اعضا لری ، اوشبو کینگاش آرقه لی مذاکره قیلیش گه تیار بولگنلیگینی ایتیب همده خارجی اولکه لر اوشبو کینگاش دن حمایت ایتیش لری نینگ ایتماقده بیراق ، طالبان گروهی ، ایسه ، خارجی کوچلر نینگ افغانستان نی اشغال قیلگنی نی همده اولر قرشی سیده حربی عملیات نینگ کینگه یشی نی ایتیب باشقه تماندن ، تینچلیک و مذاکره قیلیش مسئله لری نی خلق نینگ کوزیگه توپراق اوریش مقصدیده ، اورته ده چیقره ریشی نی ادعا قیلگن.

بو حالتده قرگنده ، ناتو اعضا لیگیده بولگن اولکه لر افغانستان جمهور رییسی حامد کرزی نینگ قتنه شیشی بیلن ، جاری میلادی آیی نینگ 27 نچی سیده ، لیسبونده بیر یغین یولگه قوییب ، افغانستان تینچلیک جریانی و افغان خوف سیز لیک کوچلریگه ، مسوولیت لر نینگ قنده ی بیریش خصوصیده گپیریش لری کوتیلماقده.

اوتگن توقیز ییل جریانیده ، امریکا باشچیلیغیده ، اونلب خارجی اولکه لرنینگ حربی کوچلری ، القاعده ترماغی و طالبان گروهی نینگ قرشی سیده ، ایریم عملیات لر یولگه قوییب کوپ گینه تلفات لر بیلن یوزمه یوز بولگن لر اما شونده ی بولسه هم ، افغانستان نینگ ایریم حدود لری حاضر هم ناقرار بیر حالتده توریب اوشبو خوف سیز لیک لر مملکت شمالیده هم کوپه یب کیلماقده.

Short URL: http://www.turkicpress.com/tur/?p=400

Posted by on Nov 16 2010. Filed under اوروش سوچلولوغی, تورلوگ یایین لر, نسل اولدریش و انسان قیریش. You can follow any responses to this entry through the RSS 2.0. You can leave a response or trackback to this entry

You must be logged in to post a comment Login

 نامه سرگشاده مردم هزاره از سراسر جهان به نهادهای دفاع از حقوق بشر، شخصیت های شناخته شده و مقامات بین المللی

Search Archive

Search by Date
Search by Category
Search with Google

Photo Gallery

 نامه سرگشاده مردم هزاره از سراسر جهان به نهادهای دفاع از حقوق بشر، شخصیت های شناخته شده و مقامات بین المللی
ورود | Designed by Gabfire themes